長興島係中國第六大（包括台灣島），長江以北嘅第一大島，位於渤海，面積252.5平方公里。近年由漁民村落發展成工業港。
長興島係一個孤島，三面環海，一面海峽，可以形成封閉區域，方便封閉管理，適合設立出口加工區同埋自由貿易區。而家由大連瓦房店市管轄，人口5萬人。
長興島未來嘅一個主要目標係發展中日韓自由貿易區。而家島上已經有幾百名韓國人做嘢同埋住，當局更已開始籌備起國際學校。
