陳月媚(3月18號—),人稱媚姨,係香港女藝人植詠珊嘅阿媽,2021年參加ViuTV搞嘅真人騷《阿女又戀嚟》而出名,自此開始參與幕前演出。
陳月媚本嚟係位素人,頭一次幕前演出係2021年同佢個女植詠珊參加ViuTV搞嘅真人騷《阿女又戀嚟》,因為爆出唔少金句而畀觀眾留意,更獲得一啲幕前工作機會,譬如畀譚仔雲南米線邀請拍廣告。佢又同《阿女又戀嚟》另一位阿媽鍾慧冰組成螢幕組合,孖住一齊拍節目。