陳楠 (道士)

  呢篇文講一位道士。想搵其它同名嘅人嘅話，請睇陳楠。

陳楠（—1213年），字南木，號翠虛，南宋人，道士一名，生喺宋室南渡之後博羅縣，當歸入廣南東路下嘅惠州。初時係盤櫳箍桶為生。佢得道之後，周平時符水同泥醫好病人，當時人叫佢陳泥丸。佢後尾傳道畀白三蟾（白玉蟾）。

陳泥丸

陳楠得道係得人指點。首先學道於毘陵禪師薛道光，學咗太乙刀圭金丹法訣。之後學道於黎姆山神（黎佬山神），學咗景霄大雷琅書（景霄大雷珢書）。之後就醫人，用符水，用泥成丸。

陳楠外表，披頭散髪，鶉衣百結，塵垢滿身。可以日行四五百里（又有說四五十里）。佢食狗肉，成日爛醉如泥。

翠虛過倉梧，遇大旱，咁佢拎住鐵鞭，跳入龍潭，驅龍落大雷雨。翠虛過三山大義渡，洪流大到啲舟艇唔敢行，佢就拎住笠就過咗。過欽管道中，遇到羣盗拉殺，盗散水之後，佢自己復蘇。又可以含水銀，第二日變白金。最後傳丹法畀白三蟾。