陸上自衛隊水陸機動團

 水陸機動團（粵拼：seoi2 luk6 gei1 dung6 tyun4） ，簡稱水機團，係日本根據2013年公布嘅《防衞計劃大綱》預定喺陸上自衞隊之內增設嘅兩棲部隊，有大約3,000人，計劃部署響九州或者西南諸島，負責兩棲作戰同奪島任務，被視為美國海軍陸戰隊喺西太平洋嘅夥伴隊伍。

背景

21世紀初，中華人民共和國國力增強，制定咗突破第一島鏈嘅方針，解放軍響東海嘅活動又日益頻繁，中國海警嘅船艦同飛機成日接近釣魚台周邊圍嘅海域。日本政府為咗應對相關嘅動態同潛在威脅、加強防衞力量嘅整備，響2013年12月舉行國家安全保障會議同內閣會議之後，發表新版嘅「25大綱」，明確公告要新編一支隸屬陸上自衛隊嘅兩棲機動部隊同埋強化海軍陸戰隊嘅機能，喺初期先創立水陸兩用準備隊，同負責離島防衞嘅西部方面普通科連隊合作，又購入美國製造嘅水陸兩用戰車。2014年3月，防衞大臣小野寺五典表示將喺日本西南部建立「水陸機動團」，強化離島防衞。

水陸機動團係以美國海軍陸戰隊作為參考藍本而設，組建亦得到美國嘅援助。

預定編制

組織

新編成嘅水陸機動團被設定為陸上總隊嘅直轄部隊，下轄3個連隊，隊員數量合有計2,000人至3,000人。作為水陸機動團主力部隊嘅第1連隊，係以隸屬於西部方面隊嘅西普連為基礎進行重組，同機動團司令部一齊喺長崎縣駐紮；第2連隊同第3連隊嘅規模預計介符700人至900人之間。

裝備

2014年2月，日本政府以5億日圓同美國買嘅4架AAV-7兩棲突擊車運抵橫濱港。呢款戰車係美國海軍陸戰隊嘅主力運兵載具，日本預計會響2014年至2018年間再買52架AAV-，俾水陸機動團用。

水陸機動團嘅裝備需要自衞隊現有設施嘅擴建，例如要增設直升機緊急逃生、登陸作戰等等嘅訓練設施，而日本防衞省亦都有同市政府協商，以迎合自衞隊嘅用地需求。2014年3月，防衞副大臣武田良太就兩棲戰車嘅部署地點問題，會晤佐世保市市長朝長則男。武田表示除咗相浦駐屯地之外，重選定咗崎邊西部地區嚟配置自衞隊嘅兩棲戰車。

水陸機動團嘅裝備預算要35億日圓。