開主選單

維基百科 β

陽朔西街附近嘅益田西街牌坊

陽朔西街粵拼joeng4 sok3 sai1 gaai1)係中國廣西桂林嘅一處東西走向步行街,喺陽朔中心城區,西到蟠桃路,東到濱江路,全長517m,闊8m。佢既係陽朔城區最古老嘅街道,又係外國人一條街。

目錄

公元590年開設陽朔時,縣城入面有條長大概200米、闊大概5米嘅街。但嗰時街入面得幾間賣日用品啲舖頭仔且大多數都係農民居住地。直到大元起城牆嗰時開始嗌成西街,嗰時屬縣城繁華嘅商業中心。民國初期,由於政府整條桂荔公路解決交通問題,重將城牆拆咗。文革期間受破四舊浪潮影響而一度改名做東風路直到1982年先至打回頭。

1970年代初,由於鬼佬發現咗呢條步行街而對當地文化同風俗有興趣。之後每年都有鬼佬經過呢度同定居,慢慢噉逐漸形成中西文化融合交匯地。

特色

呢條街啲建築屬1940~1950年代風格,亦有啲喺大清時期留到而家。地面屬石板路;入面有好多間商舖酒吧西餐廳飯館,亦有同中國民俗有關嘅蠟染印章書法等舖頭,甚至可以睇到苗族壯族啲風情舖頭。

日頭嗰時 
苗族舖頭 
挨晚嗰時