隱形牆

隱形牆（invisible wall）喺電子遊戲製作上係指遊戲空間入面一埲睇唔到嘅牆，主要用途係用嚟避免啲玩家去一啲唔應該去嘅位置、啲無心行弄路或者有心惗住去屈機嘅。譬如話有一隻動作冒險遊戲，其中一個關卡係一個喺海邊嘅懸崖，製作組當然唔想個玩家企出去懸崖外面，但又因為想降低難度等嘅原因，唔想將個遊戲程式設成遊戲主角有可能跌落懸崖死亡，於是就整一埲隱形牆喺度，令主角唔能夠行出去懸崖外嘅位置。有時，隱形牆亦都喊做「空氣牆」，雖然遊戲個機制甚至個遊戲世界觀上都未必有乜空氣喺度（譬如喺太空）。