雙小行星改道測試

雙小行星改道測試（英文：Double Asteroid Redirection Test，DART）係一項依家進行緊嘅美國航天任務，測試一種針對近地天體（NEO）避免撞擊嘅方法。呢個任務特登令一架空間探測器撞向雙生星嘅衛星雙衛一（Dimorphos），用嚟測試航天器撞擊嘅動能效應改唔改到一顆會同地球相撞嘅小行星嘅航道。

DART係美國國家航空暨太空總署（NASA）同埋約翰·霍普金斯大學應用物理實驗室（APL）嘅一個聯合項目，由 NASA 行星任務計劃辦公室管理，美國宇航局嘅幾個實驗室同埋辦公室提供技術支持。國際合作夥伴，例如歐洲、意大利同埋日本嘅太空機構，亦都有喺相關或後續項目幫手。

2018年8月，NASA 批准該項目開始最後嘅設計同埋組裝階段。DART喺2021年11月24號06:21:02（UTC）發射，亦喺2022年9月26號撞中目標。