雙發延程飛行標準
雙發延程飛行標準（英文：Extended-range Twin-engine Operation Performance Standards, ETOPS）係由美國聯邦航空管理局最早制定，後來得到國際民航組織認可嘅一系列針對飛長途航線嘅雙引擎飛機制定嘅標準。爾啲標準規定雙引擎飛機喺喺得返一部引擎推動嘅情況下，要喺幾多分鐘之內飛到最近嘅備降機場[1]。
歷史
編輯.jpg)
舊陣時，由於飛機引擎無宜家咁可靠，飛飛下無端白事引擎熄火嘅意外時有發生。有見及此，美國聯邦航空管理局喺1953年制定徂「60分鐘標準」，規定所有由雙引擎飛機執飛嘅航線都必須滿足一個條件：飛機能夠喺60分鐘之內由航線上面嘅任意一點飛到最近嘅備降機場降落。國際民航組織後來採納徂一項類似但係鬆啲嘅「90分鐘標準」：飛機必須能夠喺90分鐘之內由航線上面嘅任意一點飛到最近嘅備降機場降落[2]。1976年，空中客車嘅A300B2/B4貨機喺經過一啲改裝之後，獲得徂國際民航組織嘅「90分鐘標準」認證，成為第一款執行跨大西洋航線嘅雙引擎飛機。
隨著科技日新月異嘅發展，飛機引擎變得越來越可靠，已經唔會再逳乜逳就熄火，而「60分鐘標準」越來越成為航空公司擴張嘅障礙。喺航空公司嘅遊說下，1985年，美國聯邦航空管理局制訂徂新嘅「120分鐘標準」：飛機必須能夠喺120分鐘之內由航線上面嘅任意一點飛到最近嘅備降機場降落。第一種獲得「120分鐘標準」認證嘅美國飛機係波音767。
認證級別
編輯
目前主要有以下三種認證級別：
- ETOPS-90：飛機要喺90分鐘之內飛到最近嘅備降機場並且完成降落；
- ETOPS-120：飛機要喺120分鐘之內飛到最近嘅備降機場並且完成降落；
- ETOPS-180：飛機要喺180分鐘之內飛到最近嘅備降機場並且完成降落。
認證級別之最
編輯目前認證級別最高嘅雙引擎飛機係空中客車A350XWB，認證級別係ETOPS-370，即係話飛機喺一部引擎熄火嘅狀態下，可以飛370分鐘之先飛到最近嘅備降機場並且完成降落[3]。緊隨其後嘅係波音777-300ER[4]同波音787[5]，兩種機型嘅認證級別都係ETOPS-330。
軼事
編輯雙發延程飛行標準嘅英文縮寫「ETOPS」有種半開玩笑嘅解釋：「引擎唔轉嘅話，乘客就要游水。」（英文：Engines turn or passengers swim.）
參考
編輯- ↑ 美國聯邦航空管理局 (2007-01-26)。"InFO 07004" (PDF) (英文)。
- ↑ "Overview of new ETOPS / LROPS / EDTO rules: Impact on Aircraft Certification and Approval of Operators" (PDF). 空中客車. 2011-10-19. 原著 (PDF)喺2017-01-03歸檔. 喺2017-06-24搵到.
- ↑ "Airbus A350 cleared to fly record distance on one engine". 路透社. 2014-10-15. 喺2017-06-24搵到.
- ↑ "Boeing 777-300ER Completes 330-Minute ETOPS Flight". Aviation Daily. 2003-10-17. 喺2017-06-24搵到.
- ↑ "Boeing Receives 330-Minute ETOPS Certification for 787s". 波音. 喺2017-06-24搵到.