雪梨中央車站（英文：Central station），亦叫做雪梨總站（Sydney Terminal），係澳洲雪梨同新南威爾斯州最大嘅中央車站，位於雪梨都會區嘅南邊。幾乎所有雪梨城市鐵路嘅市內列車班次會喺呢度停靠，除此之外，仲有前往新南威爾斯各城鎮嘅鐵路班次都會用中央車站。
由於中央站係雪梨鐵路網嘅中心，因此喺月台經常見得到嘅「入（城）方向」（「inbound」）（市郊）、「上海岸方向」（「up shore」）（北岸線）同埋「上綫方向」（「up」）（城際線）等標記，其實都係指前往中央站方向。
