雲髻山

  提示：呢篇文講嘅唔係雲山、髻山或雲門山。

雲髻山（粵拼：wan4 gai3 saan1）係中國廣東韶關嘅一座山同旅遊景點，喺新豐梅坑鎮北邊，縣城西北8km嘅位。

大門口

山腳門

佢既係有自然保護區同自然景觀喺埋一齊嘅山嶽型公園，又係新豐江嘅發源地。景區入面有好多座高峯同怪石、一年四季都有靚景。其中春天有山花、夏天有瀑布、秋天有楓葉、冬天有雪景睇；有「風、花、雪、葉」嘅美麗印象。另外，珠江三角洲最高峰——亞婆髻喺呢個景區入面，附近有個溫泉山莊又係非常出名嘅。

成座山喺廣東嚟講，創咗5個唯一：秋天期間成座山有紅葉；可以從山腳爬到山頂；一年有四季景色；從山腳到山頂都有泉水猛咁流嘅山。

交通

呢個景區嘅交通好唔方便，冇巴士、地鐵或其它公共交通直達，一定要去各地旅行社報名參加旅行團先至去到。自駕車方面：

1. 行國道：到105國道嘅以下標記路段入去（兩個是但一個）：

   K2399+570標記入去244省道嘅K198+100標記位轉左行到督先至到。

   K2397+660標記入去244省道，去到人民西路口轉左，再到新豐縣第三中學附近轉右，一直行到督先至到。

2. 行省道：（從北向南）到244省道嘅K198+100標記位轉右行到督。

門票同開放時間

開放時間：

• 每日07:30～18:30
• 其它時段除當地居民外都唔畀上山，喺山上逗留嘅人喺天黑嗮之後要全部清場。

門票

• 成人票每位￥30。
• 歲數≥70嘅老坑（要有相關證件）／現役軍人（要有軍官證）／殘疾人（要有殘疾證）／身高≤1.2m：免費
• 1.2m＜身高≤1.5m：每位￥15。
• 停車方面：

  旅遊大巴或中巴：￥20／次

  細車：￥10／次

  摩托車：￥2／次

另外，從2013年3月1號開始，凡係雲髻山上邊住嘅當地居民都要有身份證或新豐縣本土有效證件先可以免費入場，否則按外來遊客處理。

連出去

• 云髻山 广东省情网
• 云髻山自然保护区旅游 乐途旅游网
• 新丰云髻山自然保护区 蚂蜂窝