雷迪

雷迪（Francesco Redi，1626年—1697年）係一位意大利醫師。火星有一個隕石坑以佢命名。

雷迪最出名就係佢喺1688年做嘅實驗，否定咗「自己生出嚟」^[1]呢種講法，呢隻講法嚟自亞里士多德嘅「無生源論」^[2]。嗰陣時嘅人一般都信蛆蟲係由爛肉自己生出嚟。

喺個實驗度，雷迪攞咗六個樽分成三啤，頭嗰兩啤放死魚，第三啤放牛肉，再將佢哋分成兩組，每組各有兩魚一牛，再將一組用密一密嘅紗布封住個樽口，另一組就乜都唔搞，樽口打開晒。等幾日，結果就係打開樽口嗰組肉「生」咗啲蛆蟲出嚟，紗布封口嗰組就乜都冇，冇蟲冇盛，佢解釋因為啲烏蠅入唔到紗布封口嗰樽。

雷迪第二個實驗將啲死咗同生勾勾嘅烏蠅分別放落去啲肉度，封實個樽，蛆蟲只係喺有生烏蠅嘅肉上出現。呢啲實驗夾埋否定「自己生出嚟」呢個假設。

注