維基百科

電腦娛樂分級機構

 電腦娛樂分級機構（粵拼：din6 nou5 jyu4 lok3 fan1 kap1 gei1 kai3） （日文：コンピュータエンターテインメントレーティング機構（きこう）(Konbyūtaentāteinmentorēdingu Kikō)；英文：Computer Entertainment Rating Organization），簡稱CERO，係日本嘅特定非營利活動法人之一，2002年6月由電腦娛樂協會（日文：コンピュータエンターテインメント協会）考慮到電子遊戲出現鹹濕或血腥、暴力、嗌交、打交、粗口等一系列暴力嘅拗數，及軟件定遊戲嘅界限而成立[1]，主要職責係監管啲電子遊戲嘅年紀同內容嘅分級。喺有呢樣審查之前，PS同PS2機、SEGA、XBOX同任天堂主機都有各自嘅自我審查機構，以確定嗰啲遊戲係唔係有太多不良內容而修正後發佈。

佢屬下嘅分級有A、B、C、D、及Z呢5個帶色彩分級同埋3種冇色彩嘅分級，每個級都有佢唔同嘅解釋。

屬下分級 編輯

撈稿 意思 幾時開始 底色 詳細解釋
  乜人都啱玩 2002年10月[2] 入面啲嘢冇任何冒犯細路嘅情節，啱任何細路同成年人玩。
  建議畀12周歲以上啲人玩 2002年10月[2] 入面有些少內容涉及性、暴力、兇殺、血腥、犯罪系列，不過有強烈證據話冇啪藥、飲酒、食煙，亦有些少涉及歧視、賭錢內容。
  建議畀15周歲以上啲人玩 2002年10月[2] 入面有好多證明話內容涉及性、暴力、兇殺、血腥、犯罪、啪藥、飲酒、食煙、賭錢系列，亦有些少涉及歧視內容。
  建議畀17周歲以上啲人玩 2006年3月[3] 入面有大量畫面涉及成年人題材。因為太多題材證明話內容有性、暴力、兇殺、血腥、犯罪、啪藥、飲酒、食煙、賭錢系列，亦有些少涉及歧視內容。建議唔好賣呢啲遊戲帶畀未成年人士。
  凈啱18周歲以上啲人玩 2002年10月[2] 入面好多時有涉及成年人題材。因為太多題材證明話內容有性、暴力、兇殺、血腥、犯罪、啪藥、飲酒、食煙、賭錢系列，甚至教壞人、犯罪、歧視等一系列違法行為。呢啲帶唔單止唔畀未成年人玩，相反遊戲機市場都唔賣呢啲帶畀未成年人[註 1]。
  教育或數據庫系列 2010年8月 入面啲內容涉及教育或數據庫或實用軟件類程式，同遊戲無關[註 2]。
  等緊審查 2003年[4] 呢啲遊戲或軟件未接受個審查。
  測試版 2003年[4] 呢啲遊戲凈係測試版。入面啲嘢好唔全面，同最終發售版差咗好遠[5]。

除咗以上分級之外，CERO重定咗啲内容撈稿嚟分清楚B、C、D、Z級遊戲係涉及以下呢啲題材：

撈稿 涉及題材 對應分級
  戀愛、同性戀    
  鹹濕、性交、性內容、性教育     
  暴力、打交     
  恐怖、血腥   
  食煙、飲酒   
  賭錢   
  兇殺、犯罪題材     
  吸毒、啪丸、啪藥    
  歧視、粗口、褻瀆、嗌交    

註同攷 編輯

註
  1. ↑ 因爲喺日版正版遊戲機盒左下角嘅分級撈稿當中，凡係列入咗「Z」級嘅帶，右邊隔籬都有寫「本商品は18才未満の方には販売しておリません」字樣，粵語翻譯係「呢樣商品唔賣畀未夠18歲啲人」噉解。
  2. ↑ 喺日本當地嘅軟件審查機構，若果審查到啲嘢涉及些少遊戲成份，唔理入面啱唔啱細路玩定有冇任何冒犯性內容都好，都會統一分入帶顏色底嘅分級（最低A級），即使係帶「教育」嘅旗號（包括打擦邊波）都一樣。
攷
  1. ↑ 北村孝和 (2002-06-07). 〈CESA、ゲームソフトに年齢別レーティングを設定する独立機構「CERO」を設立〉. Impress Watch. 原著喺2004-12-09歸檔. 喺2008-06-27搵到.[失咗效嘅鏈]
  2. ↑ 2.0 2.1 2.2 2.3 進藤智則 (2002-07-29). 〈ゲーム・ソフトの倫理自主規制「年齢別レーティング」，2002年10月から開始〉. 日経テクノロジーオンライン. 原著喺2006-04-28歸檔. 喺2008-06-27搵到.[失咗效嘅鏈]
  3. ↑ 〈CEROのレーティング制度が3月1日をもって変更。18歳未満への販売禁止区分を新設〉. 電撃オンライン. 2006-02-17. 喺2008-06-27搵到.
  4. ↑ 4.0 4.1 〈レーティングに関する最新情報〉. コンピュータエンターテインメントトレーディング機構. 原著喺2005-11-28歸檔. 喺2008-06-27搵到.
    〈CEROレーティングマークについて〉. ソニーコンピュータ・エンタテインメント. 喺2008-06-27搵到.
  5. ↑ "CERO - Ratings Wiki Guide - IGN". IGN. 喺21 April 2018搵到.
由「https://zh-yue.wikipedia.org/w/index.php?title=電腦娛樂分級機構&oldid=2064359」收