電腦存取控制

電腦存取控制（英文簡稱 access control）係電腦保安嘅一部份。

概論

内文：電腦保安同電腦保安嘅大綱

睇埋：存取控制

例如密碼（password）就係廿一世紀初電腦保安當中嘅一條大問題：喺廿一世紀初，如果有人想睇某啲敏感資訊，例如係喺網上銀行服務度 log in 噉，部電腦會要佢入密碼，入啱先至可以睇，而且正常嚟講仲會限住佢可以撞幾多次密碼，如果佢（例如）入咗三次密碼都入唔啱，佢望落就似係黑客喺度撞密碼，個系統就會暫時封咗佢個戶口；不過問題係，密碼好多時都係畀啲人自己設嘅，而現實表明咗啲人成日都會設啲簡單得滯嘅密碼，例如

• 123456
• password（英文密碼噉解）
• qwerty（標準羅馬字鍵盤最上面嗰行嘅頭嗰 6 隻字母）

... 等嘅密碼成日畀人攞嚟用，黑客是但搵 10 個戶口，個個戶口都嘗試用 123456 嚟 log in，可能己經成功噉入到其中一兩個戶口，跟住就會攞到用戶嘅信用咭號碼同埋其他重要嘅資訊。因為噉，廿一世紀初有唔少電腦保安專家都喺度研究點樣產生難破解嘅密碼（同埋教啲人用噉嘅密碼）。

因為噉，有唔少電腦保安工作者都喺度研究點樣產生難破解嘅密碼（同埋教啲人用噉嘅密碼），而且仲有研究點樣可以「唔使齋靠密碼嚟保護啲資訊」－2010 年代後半橛開始盛行多重要素驗證，要用家用多種方法嚟鑑別佢哋嘅身份，例如係用家打啱密碼之後傳一段信息去佢部手機度，要求佢喺手機度確認「頭先喺度嘗試 log in 嘅係佢」。

睇埋

• 密碼
• 鎖匙
• 多重要素鑑別
• 通行碼破解