電蚊拍

電蚊拍係一種對付蚊同埋其他昆蟲嘅架生，貌似羽毛球拍，拍面係由一行嘅金屬枝排成。單雙行各自咁連去正極同負極。一撳低響拍柄度嘅掣，金屬支就會各自充上正負電荷。如果有蚊或其他昆蟲掂到金屬枝，兩條唔同電荷嘅鐵枝，佢哋嘅電荷就會穿過昆蟲放咗出來。電荷會將昆蟲燒死。因為電蚊有球拍嘅形狀，就算飛緊嘅蚊蟲，佢都可以好易將佢貼到拍面電死。

電蚊拍

電蚊拍只係用乾電，唔使插濕電，所以電流只係好細。咁細電流對人只會有啲痛，但足以殺死細小嘅昆蟲。