霜凍作用

霜凍作用（frost weathering）係指因為水結成冰嗰陣嘅力引起嘅風化作用：想像因為落雨等嘅原因，有水積聚咗喺一個雕像表面嘅一啲窿罅位嗰度，跟住入冬，氣溫跌落攝氏 0 度以下，於是啲水開始結成冰，而冰嘅密度係低過水嘅，即係話啲水結咗冰之後嘅容量會大咗，所以喺結冰嘅過程當中，嚿冰會向四周圍嘅空間施力，而如果結成嚿冰嘅水係喺一個雕像嘅窿罅位裏面，就有可能會搞到個窿罅位變形。