霸位，又叫做預留位置、留位咁，係一種人未到，位先佔，由在場嘅第三者代勞。霸位同打尖差唔多，冇跟「先到先得」規矩去分配資源，靠識得人多就得。當資源可能唔夠，霸位現象就會出現，除非有管理主持公道。
霸位方法，係用私人物件例如外套、書包、筆袋咁放嚮個位，暗示有人用緊。又或者寫個牌，講明「有人」「勿動」、「留位」、「貴賓席」、「記者席」，外人請過主。
