靈命日糧事工
靈命日糧事工（英文：Our Daily Bread Ministries）係一間冇分宗派嘅基督教非牟利組織，1938年由馬汀狄漢醫生（Dr. M. R. DeHaan）喺美國創辦，全球有37個辦事處，出版靈修刊物，包括《靈命日糧》。透過電台廣播、電視節目、DVD、播客、書籍、手機應用程式或網站等，發放靈修材料到150個國家。
歷史
編輯靈命日糧事工始於1938年一個小型電台廣播節目，名為「底特律聖經課程」。馬汀·狄漢醫生（DR. M. R. DeHaan）以佢低沉嘅嗓音，慷慨激昂嘅聖經教導聞名於底特律，並擴展到美國全境，喺半個鐘嘅廣播節目教導聖經。後嚟美國多間國有電台開始播放呢個聖經廣播節目，直到1965年馬汀·狄漢醫生過身嘅時候，全球已經有600間電台播放呢個節目。
- 1938年：第一個廣播節目「底特律聖經課程」（Detroit Bible Class）誕生。
- 1941年：廣播節目擴展到密西根州嘅大湍市，改名為「聖經廣播協會」（Radio Bible Class）。
- 1956年：首次出版英文版《靈命日糧》靈修材料。
- 1959年：喺加拿大安大略省的溫莎，開辦美國以外嘅第一個辦事處。
- 1965年：世界各地已經有600間廣播電台播放「聖經廣播協會」嘅節目。
- 1968年：電視節目「每日探索」（Day of Discovery）首播。
- 1988年：「探索出版社」（Discovery House Publishers）。
- 1994年：為咗反映事工邁入國際化，「聖經廣播協會」改名為RBC Ministries。
- 1995年：推出英文網站，為世界各地嘅人提供網路資源，同年亦開始出版中文版《靈命日糧》。
- 2002年：英文《靈命日糧》隨住美國太空梭「亞特蘭蒂斯」號登上太空。
- 2011年：推出多種語言版本嘅《靈命日糧》手機應用程式，已經有超過一百多萬人下載同使用。
- 2015年：RBC Ministries改名為Our Daily Bread Ministries，中文譯名為「靈命日糧事工」。