靈臺，亦即天文臺、觀星臺、氣象臺，用以觀天監變，唔限於星象，諸如雲氣、天色等，凡天之變都歸佢睇。從而負責靈臺嘅官署，亦叫靈臺。開初為夏人所設，叫清臺，殷人就叫神臺，到周人就叫靈臺，後世又有唔同名，漢設有靈臺。此後類似設置，就算唔同名，亦以此為別稱。有本書叫靈臺祕苑，就係講星。
靈臺之所以叫臺，亦要起座高臺，觀象要視野廣闊，唔受遮擋。咁唔只個臺，地面重有圭表，以定季節。技術進步，臺上重設有其他儀器，如渾象儀。
古時以靈臺為名，有好幾個，當然以周公所建靈臺為先，之不過，日久崩壞，漢唐都講及佢遺跡。現存靈臺，為大元時故址所建。
