青葱大廈

青葱大廈響澳門半島花地瑪堂區何賢紳士大馬路、鴨涌馬路同化驗所街，係屬於房屋局嘅經濟房屋。

青葱大廈
澳門公共房屋
所屬堂區						花地瑪堂區
房屋類型						經濟房屋
房屋用途						住宅
總塔樓座數						2
			第1座
			入伙日子			2013年4月3號
			樓齡			11年
			第2座
			入伙日子			2013年4月3號
			樓齡			11年
停車場
			青葱大廈停車場
			輕型汽車車位				244
			電單車車位				386
			詳細資訊一覽 高度限制：1.95米 出入口位置：鴨涌馬路

背景

2012年8月20號，澳門特區政府公報入面刊登第228/2012號行政長官批示，公佈已命名做青葱大廈，即係青洲坊Lote4地段加埋五百個經濟房屋單位嘅售價同補貼比率。房屋局8月21號開始向獲甄選家團寄出揀樓通知信，重分批安排響9月4號開始參觀響青洲社屋嘅示範單位；9月11號開始按次序安排家團代表去房屋局選購單位。家團需要留意揀樓通知信嘅時間安排。青葱實用面積每平方米平均售價係一萬九千九百九十蚊左右，青葱大廈鄰近鴨涌馬路，由兩座樓高三十七同廿七層樓宇組成，加埋一共提供五百個經濟房屋單位，分別係兩房一廳（T2）單位有三百個，三房一廳（T3）單位有二百個。青葱大廈地面層係商舖單位，一至三樓係公共停車場，四樓係辦公室，五樓係綠化休憩嘅花園平台。第一座六到三十六樓係住宅層，十五樓係避火層；第二座六到廿六樓係住宅層，十五樓係避火層。公共停車場提供超過六百個輕型汽車同電單車泊車位。區內設有多個巴士站，方便居民乘搭公共巴士出行。區內有街市、學校同公園，日常生活設施俱備；重鄰近關閘，係澳門去大陸嘅重要通道之一。

房屋局主要根據經濟房屋家團嘅購買力，樓宇嘅座落地點、建成年份，單位響樓宇總體結構入面嘅面向同位置、面積同類型之類相關計價因素而訂定經濟房屋嘅單位售價。以現時社會房屋兩人家團收入上限一萬一千八百四十蚊嘅三十個百分比作為供款負擔計算，以買入一個四十平方米嘅實用面積單位、廿年供款期同五個百分比嘅供款利率，咁樣嚟計出可負擔嘅樓價係七十六萬八千八百八十三蚊，每平方米實用面積係一萬九千二百二十二蚊，按地區系數一點零四調整之後，青葱大廈嘅實用面積每平方米平均售價係一萬九千九百九十蚊，以實用比率七十二點七九嗰百分比計算，相當於建築面積每平方呎係一千三百五十一蚊左右。響五百個單位入面，有二百六十四個單位嘅價格低過平均售價，大約佔所有單位嘅五十二點八嗰百分比。根據呢嗰基準呎價，具體售價將會視乎單位座向、樓層、位置同類型而有所上浮又或下調，青葱大廈T2單位售價由八十一萬四千二百蚊到一百一十二萬五千四百蚊，實用面積由四十五點九一到四十七點九九平方米；T3單位售價由一百零六萬七千二百蚊到一百五十四萬六千七百蚊，實用面積由六十一點一到六十五點八五平方米。由於取得人響購買經濟房屋嗰時，可以享有對應市場樓宇價格一定折讓嘅補貼比率，青葱大廈嘅補貼比率同其他經濟房屋嘅計算方式一樣，由房屋局透過聘請三間專業物業估值公司對出售項目進行估價，再經房屋局綜合評定呢嗰項目嘅市場價格，根據審慎保守嘅原則，結合外圍環境例如鄰近地區經濟變化、經濟增長預測，以及本地同鄰近地區採取穩定樓價嘅系列措施之類因素，青葱大廈得出補貼比率係五十一點一嗰百分比。呢種計算方法，既有科學理性嘅分析，亦包含對未來經濟環境變化嘅預測，數據符合社會實況。響不可轉讓期屆滿，取得人向房屋局畀咗補價之後，先可以將單位自由轉讓。補價計算係響轉售單位嗰陣，以財政局做徵收不動產轉移印花稅而評定嘅有關單位價格，同埋取得人買入單位嗰陣受惠政府嘅補貼比率做計算。

房屋局根據可預配單位數量，21號起以雙掛號形式向獲甄選家團寄出揀樓通知信同埋畀埋相關售樓資料，例如售價；為咗配合青葱大廈嘅工程，將分批安排響2012年9月4號開始參觀設響青洲社屋青翠樓嘅示範單位。獲甄選家團要響指定期間（每個家團可以喺8日期間入面嘅參觀時間），出示揀樓通知信嘅正本去參觀示範單位。開放時間係星期一到日朝早十點至晚黑六點。參觀者一定要係家團成員。房屋局於2012年9月11號開始，按次序安排家團代表去房屋局選購單位，家團需耍留意揀樓通知信入面嘅時間安排。響預約揀樓日同時間，家團代表要帶埋揀樓通知信，同埋所有家團成員嘅身份證正本，到房屋局揀樓同辦理相關手續。假如家團代表冇辦法響指定時間入面到房屋局揀樓，可同房屋局提出書面解釋，如果接納可按房屋局再次約定時間揀樓；如果解釋唔接納，唔到場會自動排到名單嘅隊尾。揀樓嗰陣，家團代表首先響房屋局大堂嘅購買經濟房屋家團報到處，出示揀樓通知書同身份證明文件；工作人員確認身份之後，將家團代表帶到五樓辦理購買經濟房屋接待樓層；響接待樓層設有審查區，審查攞到甄選家團係未帶齊全部成員身份證正本同物人數有冇變動；搞掂嗮審查之後，房屋局會響設置嘅視聽區，向等候家團播出選購經濟房屋流程、經濟房屋法規定同埋購買經濟房屋須知嘅影片，重響等候區入面，可以透過電腦屏幕即時知道重有得揀嘅經濟房屋單位嘅情況；然後按序帶領家團代表入座指定嘅認購櫃台進行揀樓。選定經濟房屋單位之後，等房屋局通知，家團代表須要簽一份買賣預約合同，預配程序唔使畀錢住。響經濟房屋使用准照發出之後，房屋局將會透過公函通知預約買受人畀錢方法。如果唔使按揭貸款嚟畀錢，預約買受人同埋其他立約人應該響公函指定嘅期限入面聯絡房屋局，方便約定畀錢日期同時間。如果需要按揭貸款嚟畀錢，預約買受人同埋其他立約人，應該響公函指定期限入面前往銀行申請按揭貸款，重要響房屋局接到銀行通知批准按揭貸款之後，先透過公函約定預約買受人同埋其他立約人畀錢嘅日期及時間，到時只須以銀行本票嚟畀首期，剩底就由銀行直接畀房屋局。

2016年9月24號，房屋局預計青蔥大廈地面層改做房屋局辦公室將會響2017年完成，屆時響青洲辦公大樓嘅所有部門都會搬入新辦公室；青洲辦公大樓嘅重建工程就預計響2018年啟動，其中會增設公共停車場，可以提供一百幾個停車位。房屋局話，隨著當局職能擴展，所以響青蔥大廈四樓設新辦公室，同時為咗集中管理分散各區嘅辦公地點，計劃重建青洲辦公大樓，但係因為青蔥大廈四樓原設計唔能夠滿足青洲辦公大樓重建期間嘅臨時辦公安排，決定將青蔥大廈地面層所有商鋪改做房屋局接待同個別部門辦公來用。

違規

2015年2月11號，房屋局巡查發現有經屋單位做唔合理用途嘅青葱大廈，有記者發現目前一個兩房一廳的T2單位，月租起跳價係六千蚊，高層同座向唔錯嘅單位，高達八千到一萬蚊，一樣非常搶手。重有人將單位劏成多個床位，改裝做非法旅館，利潤較成間出租重要賺得多，重時唔時都見到拖篋嘅人出入。居民話有單位唔係自住，情況好多人都知。

2016年9月21號，司警局接獲一個青葱大廈住戶電郵，反映響青葱大廈第二座十五樓防火層入面擺咗大量雜物，由於大廈接近鴨涌河，所以擔心有非法入境者匿埋響到，希望司警局關注同提供協助。房屋局話，知道消息之後，20號即刻派人到現場巡查，未有響第一座同第二座十五樓嘅避火層發現有關情況。經查證之後，起因係清潔人員自行將雜物堆放響避火層引來誤會，房屋局因為呢嗰情況責成管理公司，督促做好大廈嘅樓宇管理工作。

2016年9月23號房屋局再次派人到青葱大廈巡查時發現管理公司有違規情況，五樓平台一間活動室同一間閱覽室被人堆滿雜物，房屋局隨即讉責管理公司，勒令管理公司儘快清理雜物，還原空間，管理公司現正清理兩個空間嘅雜物。就此，房屋局要求管理公司及早提交詳細報告，重會跟進有關違規處罰。房屋局話一直按照第41/95/M號法令賦予嘅監察權，跟進經濟房屋嘅樓宇管理工作，如果住戶對管理公司服務有任何意見，可以直接同管理公司又或者房屋局反映，房屋局將會要求管理公司作出改善。

意外

2014年5月11號朝早十點幾，青葱大廈第一座二十八樓一個單位發生爆炸。當時屋入面有四個人，七十三歲女人響煮食期間，懷疑石油氣爐具喉管漏氣搶火爆炸，燒着爐具同雜物，巨響嚇人，氣浪直逼客廳，坐響客廳嘅十九歲男住戶亦被氣浪衝擊，即刻協助救火，逃生嗰陣都被燒傷，一隻寵物貓尾毛亦燒傷；另外兩個響房到休息嘅女住戶響睡夢入面被巨響嚇醒。混亂入面四個人倉惶逃走兼嗌救命，之後隔離屋一個男人衝入屋用木棍閂氣閥，再用被將火救熄。爆炸之後，大廈幾十個住戶需要疏散，警方同消防接報迅即趕到現場，證實火勢熄滅，發現兩個男女傷者坐響樓梯間，經過初步包紮，立即送去醫院深切治療部救治，兩個人臉同手都多處燒傷。消防之後響爆炸單位調查，石油氣公司派員到場檢查喉管，廚房有被燒嘅痕跡，走廊留咗一隻相信係傷者嘅拖鞋。消防經初步調查，證實煮食爐具漏氣搶火導致爆炸。事件真正原因待有關方面進一步調查。出事單位另個兩個住戶就嚇餐死。有住戶話大廈2013年8月開始用中央石油氣，石油氣公司亦響大廈張貼通告。事發一個幾鐘之後大廈先解封，住戶陸續上樓。有住戶話，事發嗰陣響廳到，突然聽到樓上傳出巨響，全屋震動，冇耐從窗到見到樓上有雜物跌落嚟，之後先知道發生爆炸，即刻疏散到街到。衛生局話，兩個傷者送到山頂醫院，男傷者全身兩成皮膚二級燒傷，主要頭面部同四肢，要用呼吸機，情況嚴重；女傷者全身有六成皮膚二至三級燒傷，情況危殆，要用呼吸機。經過治理之後，兩個人都被安排到燒傷重症監護病區住院。而房屋局代局長郭惠嫻出席澳門論壇之後，被問到今次爆炸事件時話，青葱大廈屬於新入伙公屋，對事件感到突然。消防局同相關單位重調查緊，起因同歸責問題要等掌握進一步消息之後再向外界公佈。佢對受影響居民同家人表示慰問，房屋局已經即時派員向相關單位了解情況提供協助，及時跟進。公屋同私樓一樣，驗收前會做燃氣檢測，完全符合標準之後先會發入伙紙。房屋局提醒經屋住戶應注意煮食同熱水爐具嘅安裝同使用安全守則標準，呼籲必須請合資格師傅安裝同測試，同時定期請專業嘅燃氣供應商對屋企燃氣喉等設備做檢查同定期保養，避免意外事件發生。

2015年11月12號晏晝三點半，治安警接報青葱大廈第二座五樓平台發現一個懷疑由高處跌落嘅男人，派出警員同知會消防到場。消防救護員將男子送院搶救，最終傷重死亡。司警接手調查案件話死者姓劉，男性，三十一歲，澳門居民。根據調查，死者住響大廈高層單位。懷疑死者係由所住單位跌樓死亡，現場冇發現遺書。司警接觸死者屋企人，得知死者精神狀況唔好，死前亦服藥自殺，好彩被屋企人及時發現制止。經司警初步對屍體檢查，除咗由高處跌落所造成嘅傷痕之外，就冇發現其他可疑又或者可能由刑事引致嘅傷痕。死因要等法醫檢驗確定。案件交畀調查科跟進。