多人電子遊戲（multiplayer video game）係指有多個玩家參與嘅電子遊戲。現代嘅電子遊戲大部份都有單人遊戲同多人遊戲兩種模式。
非對稱遊戲性（asymmetric gameplay）：指多人遊戲當中每個玩家嘅體驗都唔同；喺一般嘅多人遊戲裏面，每位玩家用嘅操控方法或者有得揀嘅角色都係一樣嘅，但有陣時有啲遊戲可能會（例如）將一隊玩家分別安排做唔同角色，負責做治療師嘅玩家淨係有得揀用治療系嘅角色－呢種唔同玩家可以做嘅嘢有明顯差異嘅遊戲，就係用咗非對稱遊戲性。
