韓耀庭

韓耀庭，香港經營工作者及傳媒人，曾經喺無綫電視同蘋果日報工作。

影視工作

韓耀庭曾經為九部電影擔當編劇，包括《陰陽路九之命轉乾坤》、《陰陽路十之宣言咒》、《少年刀手》，亦曾經參與一啲電視劇製作，例如《謎情家族》、《同撈同煲》、《本草藥王》、《十萬噸情緣》、《怪俠一枝梅》、《西廂奇緣》、《追魂交易》、《賭場風雲》同《亂世佳人》‎等。

事件

採訪工作被親中派鍾詠淵攻擊

韓耀庭曾經訪問後來被揭發涉及賄選同性騷擾等爭議嘅親中派催眠治療師鍾詠淵。當時鍾詠淵以性治療作招徠，甚至要求病患自摸同捉手指以達致性高潮，港大心理學家兼資深催眠師梁錦堂直斥佢咁做等同叫人自慰，平機會亦批評，佢嘅做法可構成性騷擾。另外，佢亦喺個人社交網站入面話自己係耶穌，又大講咸濕IQ題同侮辱一啲客人。鍾詠淵之後曾經上載短片，點名反駁韓耀庭同另一蘋果日報記者李凱琳，又攻擊有關女記者話佢性冷感。

向胡錦濤發問關於港人平反六四問題被押走

喺2012年中，中國國家主來港訪問，韓耀庭喺灣仔向胡錦濤關於港人平反六四嘅問題，但提問被警方以太大聲影響秩序為理由。強行帶走。近十分鐘事件，事件成為咗國際新聞。之後，韓耀庭更加正式投訴，要求警方同保安局交代。韓耀庭有提到，胡錦濤參觀啟德發展區期間，唔只一名記者喺採訪區入面高聲提問，但就只係拉佢一個，又批評警方濫權。