頭條新聞

  呢篇文講港台電視節目。想搵頭條嘅新聞嘅話，請睇頭條。

《頭條新聞》（英文：Headliner）係港台電視製作嘅時事節目，喺1989年4月4號開始播映，用嬉笑怒罵方式回顧過去一個禮拜嘅時事話題。節目內容被指親民主派，所以一路都畀建制派同親中共人士批評，經典批評包括「陰陽怪氣」同埋「低級趣味」。

因為通訊事務管理局喺2020年3月頭取消咗商營免費電視台強制播港台節目嘅安排，無綫電視即時停播《頭條新聞》，只淨低港台電視31會播。5月，通訊管理局話頭條新聞違反守則，港台話做埋2020年首期後暫停製作，2020年6月19號放埋最後一期。