頻渣別

頻渣別（粵拼：pan4 zaa1 bit6；Punjabi: ਪੰਜਾਬ (Gurumukhi); پنجاب (Shahmukhi); पंजाब (Devanagari))）係橫越印度共和國同巴基斯坦伊斯蘭共和國嘅一大笪地方，有好長嘅歷史同文化，主要民族係頻渣別人，主要講頻渣別話，印度部份主要信錫克教同印度教，而佔佢哋人口大部份嘅巴基斯坦頻渣別省就主要信伊斯蘭教。

古代頻渣別地區（大頻渣別地區）好大，包括印度北面、巴基斯坦東面同阿富汗嘅一啲地方。最東去到亞穆納河（Yamuna）。頻渣別人喺古代又叫做阿臘塔人（Arattas）或者瓦西卡人（Vahikas），呢啲叫法糅合咗健馱邏人、卡斯人（Khasas）、保拉瓦人（Pauravas）、伊朗人、堪波佳斯人（Kambojas）、波羅婆人（Pahlava）、波斯化愛奧尼亞人（Ionians）等各民族影響嘅因素。

頻渣別地區嘅係雅利安人，歷史各時期由唔同嘅民族統治，包括古希臘人、波斯人、阿拉伯人、突厥人、莫臥兒人、阿富汗人、錫克人同英國人。喺歷史上，喺印度次大陸西北面嘅頻渣別地區用亞穆納河同埋印度河做邊界，就係公元前15世紀之後早期雅里安人定居以嚟嘅印度河谷史前文明嘅中心地帶。8世紀開始，跟住莫臥兒人嘅統治，伊斯蘭教攞到主導地位，頻渣別地區做咗印度次大陸嘅文化中心。之後因為錫克人成日反叛，加速英國人對呢個地區嘅征服，最終喺印巴分治而分裂成巴基斯坦嘅「頻渣別省」同印度嘅「頻渣別地區」兩大地區。

巴基斯坦頻渣別省佔頻渣別地區嘅主要部分，面積205,344平方公里，有86,084,000人（2005年），大約90%嘅人講頻渣別話；西頻渣別語用波斯-阿拉伯字母寫。

印度頻渣別地區，包括旁遮普邦、哈里亞納邦、喜馬偕爾邦同埋德里中央直轄區；頻渣別邦面積50,362平方公里，有24,289,296人（2000年），大約92.2%嘅人講頻渣別話，東頻渣別語用果魯穆奇字母寫。