顯著性圖（英文：saliency map）係電腦視覺上一個重要概念，指（用一柞標量）表示一幅源圖每個位置「有幾重要」嘅圖；想像家陣個人工智能程式要處理一幅圖像，對注意力嘅研究表明咗，一幅圖像通常都會有某幾忽係重要啲嘅，例如人喺望人面嗰陣傾向會望對眼，而一幅圖像嘅顯著性圖做嘅係顯示出幅源圖有邊啲地方係重要啲嘅，即係例如將一幅影塊人面嘅相轉化做顯著性圖，幅顯著性圖會將眼等比較重要嗰幾忽油做深色，冇咁重要嗰啲就油做淺色。喺電腦視覺上，將圖像轉化做顯著性圖嘅技術有助引導做電腦視覺嘅演算法[1]。
一幅相（左圖）同幅相對應嘅一幅顯著性圖（右圖）
