颱風環高 (2009年)
颱風環高（英文：Typhoon Vamco，國際編號：0910，JTWC編號：11W）係2009年喺太平洋形成嘅一個颱風，由8月16號持續到25號。
發展及路徑
編輯8月14號，喺米克羅尼西亞嘅彭培島東北大約750公里嘅太平洋海面有一個好廣闊嘅對流雨雲帶發展，但後來被發現雨帶開始發展一做一個低層環流中心，一個熱帶氣旋似乎喺道形成緊。直至8月16號下晝先至被日本氣象廳定格做一個熱帶擾動，第二朝，聯合颱風警報中心先至升格做熱帶擾動。8月18號朝早，日本氣象廳升格做熱帶風暴，同一時間改名叫環高，下晝好快增強做一個強烈熱帶風暴，8月19號朝，日本氣象廳升格做颱風。原本估計環高會穩定噉向西，但喺8月20號朝早被聯合颱風警報中心升格做中度嘅三級颱風級別後，突然轉向北，加上同時喺菲律賓呂宋以北海域有一個熱帶氣旋發展緊，可能會產生藤原效應而令到路徑轉向不定。環高向北移動略過高緯度無風帶之後，強度開始減弱，之後重轉向東北移動，移去美國阿留申群島同埋俄羅斯堪察加半島一帶海面轉化為溫帶氣旋並且消散。
影響及破壞
編輯由於環高一直都冇登陸，同埋佢嘅移動路徑一直都幾遠離大部份嘅西太平洋國家，風暴圈亦比較細，冇對普遍嘅東亞國家造成影響同傷亡。