食客困境

食客困境（unscrupulous diner's dilemma）喺博弈論上係一種博弈，基本上就係有 $n$ 個參與者嘅監犯困境（prisoner's dilemma）：想像 $n$ 個人一齊出去食飯，而喺臨落單之前，佢哋同意埋單嗰陣每個人俾嘅錢會係總錢除以 $n$ ；於是家陣每個人都會決定要嗌「貴嘅嘢食」定「平嘅嘢食」，假想貴嘢食好味啲，但未至於好味到啲人會肯喺單獨食飯（要自己俾嗮個價錢）嗰時嗌，形成咗一個好似監躉困境噉嘅情況－如果其中一位食客嗌貴嘢食，噉就最後大家齊齊要俾多啲錢，但同時，如果佢嗌貴嘢食而第啲食客嗌平嘢食，佢就著數咗^[1]。