食粉絲

食粉絲本來係指食用粉絲呢種食物，但後來就被用來形容一啲歌手或藝人，借自己嘅名譽地位，同歌迷或者影迷發生性行為。呢啲事件猶如有時會涉及婚外性行為，所以被報道嘅時候，都會受到一定爭議，藝人亦好多時候會第一時間否認。曾經被指食粉絲嘅藝人包括林俊傑、譚詠麟、張致恒、王嘉爾、韓國男團NCT香港成員黃旭熙（Lucas）、許凱、吳亦凡等。

例子

林俊傑

2021年底，林俊傑被一名網友揭露有不尋常性關係，而且提供多項證據，包括聊天紀錄截圖同埋對話錄音，而且內容露骨。該名網民指控，林俊傑玩弄自己嘅感情，自己甚至因為公開呢件事收到好多恐嚇威脅，要求林俊傑道歉，似番個男人。林俊傑之後發表聲明否認，但就再無任何公開反應。

譚詠麟

2021年，微博網友『悲傷牛肉麵』指控譚詠麟同歌迷有不正當關係，而新聞喺香港報道之後，媒體同網友都有唔少冷嘲熱諷，有商家仲抽水乘機推出“粉絲煲”、“碎粉絲”套餐。另外，當時電影《闔家辣》亦正值拍攝期，而電影入面吳君如有句對白就話阿倫（鄭中基喺入面嘅角色）『最鍾意食粉絲』。

張致恒

2022年4月，ViuTV節目《晚吹 - 戀講嘢》入面有一集嘅嘉賓係口罩小姐「肥妹」李文潔，佢大爆某個男歌手搞大咗女歌迷嘅肚，之後網民推斷佢講緊張致恒。張致恒否認指控，不過佢自己本身亦同另一女歌迷區燕雯離離合合之後結婚，但結婚後又多次傳出離婚消息。

王嘉爾

2023年1月，黃明志喺社交媒體怒斥一名男星，疑強迫未成年少女發生關係，又批評佢無做任何防護措施，之後有網民分析，就認為佢指控緊王嘉爾。