香港中文大學工程學院

香港中文大學工程學院係香港中文大學八大學院之一，旗下嘅電子工程系係最早成立嘅學系（1970年），而家設有6個學系同9個研究中心，另設有一生物醫學工程研究生分部（Division of Biomedical Engineering）。工程學院總部設喺何善衡工程學大樓五樓，而中大嘅另一座工程大樓係蒙民偉工程學大樓。

旗下學系

計算機科學與工程學系（CSE, Computer Science and Engineering）
電子工程學系（EE, Electronic Engineering）
訊息工程學系（IE, Information Engineering）
機械與自動化工程學系（MAE, Mechanical and Automation Engineering）
系統工程與工程管理學系（SEEM, Systems Engineering and Engineering Management）
生物醫學工程學系(Biomedical Engineering)

旗下研究中心

提供課程

本科生課程

蒙民偉工程學大樓

現時，5個學系都提供對應嘅主修課程，而計算機科學同工程學系則分有兩個主修：「計算機科學」同「計算機工程」。除機械同自動化工程學系外，所有學系都同時提供對應嘅副修課程；而系統工程同工程管理學系就提供「工程管理」同「金融工程」兩個副修。有關副修對大部分中大學生開放，而主修工程學科嘅學生，亦可選修大部份工程學院以外嘅副修。

除此之外，工程學院學生都同其他中大學生一樣，至少修讀99學分，同需修讀4個通識教育課程（共12學分）。入學方面嘅程序同中大相同，包括聯招同其他方法。

自2007年起，所有工程學系都提供同時修讀工商管理學士課程嘅選擇。獲派入六個工程學科之一嘅學生，可以喺頭三年修讀工程學科嘅同時，加插工商管理學院嘅學科，讀完第三年就攞到有關工程學學士資格，同喺第四年完成工商管理學士嘅餘下科目。學生攞唔攞到第二個學士，視乎佢嘅學術成績表現。不過，即使學生攞唔到工商管理學士，只要修讀唔少過18學分嘅工商管理學院課程（當中要包括指定課程），學生都攞到工商管理嘅副修資格。

同樣，工商管理學生亦可以作類似安排，喺頭三年加插工程學科。而成績表現符合資格嘅話，就可以喺第三同第四年分別攞到工商管理學士同相關工學士。

喺2010年，工程學院將提供生物醫學工程學士課程。

碩士/博士課程

所有學系都提供其對應嘅主修哲學碩士（MPhil）、哲學博士（PhD）或理碩士（MSc）課程。另外，生物醫學工程研究生分部亦提供生物醫學工程碩士。

系統工程同工程管理學系同時提供「電子商務同物理科技理碩士」（M.Sc. Programme in E-commerce and Logistics Technologies）同「物流同供應鏈行政理碩士」（EMSc Program in Logistics and Supply Chain Management）。