香港互聯網註冊管理

香港互聯網註冊管理有限公司（HKIRC）響2001年12月成立，2002年4月22號正式投入運作，由嗰陣時起香港域名註冊有限公司做咗佢嘅附屬機構。佢係一個非牟利及非法定組織，係香港特別行政區政府指定，專責執行香港頂級功能變數名稱（即係 .hk 同 .香港）嘅行政同埋編配工作。佢嘅董事局成員由使用者界別、服務提供者界別同政府嘅委任代表所組成。而所有 .hk 嘅域名持有人可以登記成為HKIRC會員，響董事局選舉度提名同投票。HKIRC透過佢嘅註冊服務機構提供所有'.com.hk'、'.org.hk'、'.gov.hk'、'.edu.hk'、'.net.hk'、'.idv.hk'、'.公司.香港'、'.組織.香港'、'.政府.香港'、'.教育.香港'、'.網絡.香港'、'.個人.香港'、'.hk' 同'.香港'嘅域名註冊服務。