香港大學李嘉誠醫學院

香港大學李嘉誠醫學院（英文：Li Ka Shing Faculty of Medicine, The University of Hong Kong），本來叫香港大學醫學院，係香港大學嘅醫科學院，校址喺西高山沙宣道近羅富國徑一帶，附近係教學醫院瑪麗醫院。醫學院前身係1887年創的香港華人西醫書院，1907年改名香港西醫書院，1910年併入香港大學，2005年香港首富李嘉誠承諾捐十億港紙畀醫學院，醫學院為咗答謝，就改名做李嘉誠醫學院，雖然唔少校友反對^[1]，但係都喺2006年1月1號正式命名為「香港大學李嘉誠醫學院」。