香港警察警告旗

香港警察警告旗hoeng1 gong2 ging2caat3 ging2 gou3 kei4（英文：Hong Kong Police Warning Flag，簡稱警告旗，又叫警告用旗）指，香港警察向身於風險地區嘅香港人作出警告，以警告市民警方將會對對方作出相應行動。

自香港特區政府出動防暴警察以暴力鎮壓手段回應社會公共爭議事件，特指佔領中環、反送中等事件，以及國安法強行立法後，警民關係可以用七種旗幟說明。

簡介

香港警察喺執行防暴任務時，係特別嘅警告制度，喺對示威者廣播嘅同時，會高舉旗幟進行預警。警告由輕至重分為四個等級，以藍、黃、紅、橙色表明，警告無效則採取相應措施。

• 
  遊行路線指引同封鎖
• 
  初級警告
• 
  中級警告
• 
  高級警告

一種一面黑，一面橙嘅警告標誌則預示警察將發射催淚彈驅散人群。 2020年7月1號起，新增雙面雙語嘅紫色警告旗幟，提醒示威者可能觸犯《港區國安法》。

• 
  催淚彈發射警告（正面）
• 
  最高級警告、防暴彈種發射警告（反面）
• 
  觸犯《港區國安法》警告（中文版面）
• 
  觸犯《港區國安法》警告（英文版面）

詳解

根據警方過往嘅做法，警方指揮官會先用大聲公出言警告，而警方旗手（舉牌員）亦會按照相應嘅指示，因應現場環境變化、示威者行動，舉起唔同顏色嘅警告牌：

• 黃旗：警告現場示威者或市民可能違反法例，或有可能會被檢控。而旗幟內容並未指出警方會使用武力。
• 藍旗：針對非法集結、非法遊行，警告現場聚集嘅人士即時散去，如在場人士仍然集結及逗留，警方會以武力驅散及拘捕。
• 橙旗（封鎖線）：警方舉起橙旗，即係表示已經設立封鎖線，示威者唔可以越過或衝擊防線。
• 紅旗：警告示威者唔可以衝擊警方設立嘅封鎖線或防線，如示威者動用武力，警方會以武力驅散。
• 黑旗：警告示威者唔好衝擊防線及即時散去，如示威者使用武力，警方將會發射催淚彈驅散及拘捕。
• 橙旗：警告示威者唔好衝擊防線及盡快散去，如示威者動武，警方將會開槍驅散。過往先發射投彈後拘捕。
• 紫旗：警告示威者唔好展示有「分裂國家或顛覆國家政權等意圖」嘅旗幟、橫額，同叫口號等，如示威者冇遵循，警方將以違反《港區國安法》罪行作出拘捕。