香港電話
香港電話有限公司（港交所前編號：8）現時係電訊盈科旗下嘅一間子公司，係香港其中一間固定電訊網絡經營者，喺香港提供話音固網、收費電話亭以及寬頻固網服務。
同大東電報局合併前嘅歷史
編輯早喺1877年，喺貝爾取得電話專利後一年，香港就引入咗電話。1882年，Oriental Telephone and Electric Company成立，提供公共電話服務，後來這公司改名做China and Japan Telephone and Electric Company。
在1925年，香港電話公司收購咗China and Japan Telephone and Electric Company，政府俾咗本地電話網絡五十年嘅專營權佢，有關專營權受二次大戰日軍入侵嘅影響，一度中斷，喺戰後恢復。並喺1968年，獲發由1975年開始生效嘅額外二十年專營權。
在1981年，香港電話公司決定喺香港市內鋪設光纖主幹網，為日後香港數據通訊業發展奠下基礎。
1983年，旗下子公司Communication Services Limited開始提供流動通訊服務，係今天香港流動通訊有限公司嘅前身。
同大東電報局合併
編輯一直以來，香港電話公司並不擁有香港對外通訊專營權，香港對外通訊由大東電報局（Cable & Wireless）負責，在1988年，大東電報局收購香港電話，組成香港電訊有限公司，亦即係電訊盈科的前身，香港電話有限公司成為大東旗下子公司。
1990年，香港電訊集團重組，香港電話公司正式分拆成香港電話有限公司呢間子公司，英文名叫Cable & Wireless HKT Limited。
香港嘅固網線路，在1994年達到三百萬條，1995年，香港電話號碼升格為八位之餘，香港電話有限公司亦唔再壟斷香港固網業務，而需要同其他新加入競爭者競爭。
電訊盈科年代
編輯香港電訊被盈科數碼動力收購後，香港電話有限公司中文名冇變，但英文名就改做PCCW-HKT Telephone Limited。而由於香港電話有限公司，實質擁有電訊盈科旗下嘅香港固網業務，加上電訊盈科本身嘅負債較大，因此電訊盈科以香港電話有限公司的資產，申請信貸評級，以及發行債券，為集團進行融資。
2006年，電訊盈科藉收購SUNDAY（即家下嘅PCCW Mobile Ltd.）嚟經營第三代流動通訊業務時，亦以香港電話有限公司名義，租用SUNDAY網絡，以PCCW Mobile嚟經營第三代流動通訊網絡。而喺2007年，電訊盈科更以香港電話有限公司（而唔係PCCW Mobile Ltd.）名義獲得香港CDMA2000牌照。
2007年中，香港兩間免費無線廣播電視台──無綫電視同埋亞洲電視共同宣佈委任香港電話有限公司，由香港電話全權負責透過大氣電波傳送無綫同埋亞視旗下喺香港嘅數碼地面電視廣播頻道訊號工作。