香頭墳係南宋末年名將伍隆起嘅墳墓，喺新寧縣境內。
宋末宋帝昺避走厓門，伍隆起世受國恩，率領鄉人保衛皇帝。元朝大將張弘範當時追到廣州，伍隆起奮戰抵敵，但被部下謝子文殺死，重割咗佢個頭投降蒙古。丞相陸秀夫事後搵人葬咗佢，用香來代替佢個頭，所以個墳叫做「香頭墳」。
清朝學者屈大均曾經為佢作咗一篇銘：「天生沉檀，以為君首。血肉非香，烏鳶所有。斫以良工，其大如斗。玉粹金純。黃泉不朽。」
