馬窩

馬窩（英文Ma Wo），香港一地，亦係村名。喺大埔西南山地，靠近泮涌同桃源洞。吐露港公路𠝹開馬窩村東西。西高東低。

東便有幾個私人屋苑，亦有佛寺幾間，北靠禁山，雅名錦山。東南有馬窩山，高約六十四米，有桃源洞村。山南隔吐露港公路有碗窰，山西隔達運路有運頭塘邨同德雅苑。馬窩路一頭駁達運路，通去大埔墟火車站，另一頭駁泮涌路，通去泮涌。

西便山村為主，只能行山往來。馬窩高處有馬路，駁通石蓮路，可去蓮坳、石屋仔、半春園、石鼓壟、錦石新村、錦山村同大埔墟。馬路亦係衞奕信徑第八段一部份，馬路盡頭為集水設施，有山徑來往碗窰，亦係衞奕信徑中一段。

屋苑

馬窩屋苑，並非高樓大廈，只有幾層高。新峰花園，有一期二期。其餘有御峰豪園、御峰苑、承峰。

寺廟

馬窩有定慧寺、忠和精舍、錦華精舍。