馬鐵（粵拼：maa5 tit3；2世紀—212年）係三國時嘅西涼人。佢係馬騰嘅仔，同馬超係兄弟。喺曹操做咗丞相之後召馬騰入京城做官，馬鐵、馬休等馬家一家大細跟住老豆住咗喺鄴。211年，馬超聯合西涼嘅軍閥勢力反曹，打咗場潼關之戰，不過馬超兵敗，曹操就喺鄴殺佢全家，包括馬騰、馬休、馬鐵都死咗。喺《三國演義》就寫成，馬鐵跟住老豆、馬休、馬岱入京城，喺馬騰嘅反曹計劃洩漏後，馬家畀曹操滅門，其中馬鐵畀許褚殺咗，得返馬岱甩難、走咗西涼報畀馬超聽。
