高智爾球
高智爾球（英文：Wiser ball）係近年嚟新興嘅運動，係將技術、策略、佈局結合埋一齊嘅球類運動。 佢冇限定乜嘢嘅場地，亦冇分男女同埋年齡嘅限制。[1]
史
編輯高智爾球係舊時皇室嘅運動，好睇衣着同埋禮儀，因為咁喺正式賽事之中，球員喺要穿著整齊企理嘅比賽裝束。 喺2013年3月2號就係美國正式成立咗第一屆嘅世界Wiser 運動委員會，向全世界推廣同埋介紹呢個球類嘅運動，希望能搞到普及化。[2]
由美國開始搞推廣，而家已經推到加拿大、巴拉圭、德國、中國、台灣、香港、泰國、馬來西亞同埋越南等十幾個國家。[3]
設備
編輯波
編輯分紅同埋白兩種色,各7粒波，分別由1到7來編冧把。
比賽旗
編輯分黃旗同埋紅旗各10支。旗面要等腰直角嘅三角形，兩邊就各長1呎，而旗桿要插咗入地面之後，露出來嘅部分高度就要2呎。
繩
編輯用一條12米長嘅繩，或者用劃線嚟設定條「中界線」。
規則
編輯高智爾球係以互相打中對方嘅波為主要嘅目的，一粒波被對方或我哋第一次打中就叫「初關」、第二次打中嘅話就叫「二關」，如果第三次被打中嘅話,嗰個波就要「出局」。兩隊輪流攻擊，直到任何一方沒有生波為止。
比賽方式
編輯單人賽
編輯每隊出1個球員，1個人打5個波。
雙人賽
編輯每隊出2個球員，每人打3個波。
團體賽
編輯正式嘅高智爾球賽係由兩隊，每隊7個球員(其中一個係隊長)，每人各揸一個波進行攻擊。以我隊嘅波打中他隊嘅波為主要目的，邊一隊先打到對方場上唔再有可做攻擊嘅波，就贏。
註
編輯參考
編輯- ↑ 世界Wiser運動委員會。〈Wiser運動簡介〉。世界Wiser運動委員會。喺2017-10-26搵到。
- ↑ 〈世界Wiser運動委員會總部設美國 15國家地區代表出席〉。ETnews新聞雲。2013-03-13。喺2017-10-26搵到。
- ↑ 世界Wiser運動委員會。〈Wiser全球網路鍵結〉。《世界Wiser運動委員會官方網站》。喺2017-10-26搵到。