高立的未來世界

 高立的未來世界（粵拼：gou1 laap6 dik1 mei6 loi4 sai6 gaai6） （粵語譯做高立嘅未來世界；日文：未来少年（みらいしょうねん）コナン^{(Mirai Shōnen Konan)}）係由宮崎駿同高畑勳夾手出嘅動畫作品，總共26集。最先由NHK喺1978年4月4開播，一直播到1978年10月31號嘅大結局為止。無綫電視喺1980年5月4號開始播，亞洲電視喺1998年底買過呢部動畫嚟播。個片主要講到西曆2008年7月，喺殘留島（日文：のこされ島^{(Nokosare Shima)}）同海哈巴（日文：ハイハーバー島^{(Haiharbar Shima)}）、英達仕多（日文：インダストリア^{(Indasutoria)}）之間出現戰亂同恩怨，最後一家大團圓返到前殘留島嘅所在地而結局嘅古仔。

劇情

由於科學發展得好快，出現咗大量超犀利嘅超磁力武器，令戰亂喺西曆2008年7月被發動。從而形成地軸攣咗同地殼大變動，令七大洲嘅陸地出現異常，差唔多消滅咗半個世界。廿年後，唯一喺戰亂過後生返嗰兩位仁兄——高立同阿爺喺殘留島生存，重喺島上嘅海灘救返麗娜。不過麗娜嘅阿爺——古拉亞先生係位科學家，所以敵對軍睇佢唔過眼，諗住捉住麗娜嚟威脅佢，啲衰人嚟到殘留島殺咗高立阿爺兼捉走麗娜，令高立踏上救返麗娜嘅旅程。

出鏡角色

角色	日版原文	註
高立	コナン	男主角，戰後喺殘六島生還嘅後裔。
麗娜	ラナ	女主角，戰後喺殘留島海邊發現嘅女仔。
阿西	ジムシィ	高立嘅死黨
阿爺	おじい	高立嘅阿爺，喺地球走出太空飛船嘅船長，真名冇人知。
五郎先生	パスコ	巴拉克號（日文：バラクーダ号(Parakūda)）嘅水手。
古拉亞博士	ラオ
娣拉	テラ

出面網頁

• 未来少年コナン（日本アニメーション）
  • 作品紹介 未来少年コナン
  • 未来少年コナン（劇場版）
  • 未来少年コナン　巨大機ギガントの復活
• 未来少年コナン公式サイト（バンダイビジュアル）
  • 未来少年コナンBlu-ray
• 未来少年コナン（ゲームソフト/PlayStation 2）
• アニメ　未来少年コナン - NHK名作選(動画・静止画) NHKアーカイブス