高要

高要（「要」讀「腰」）喺中國廣東，家下係肇慶市轄區，叫高要區。以前係個縣，叫高要縣。高要個名來自高要峽，【峽山高峻、峽水如腰】，所以要字，查實係腰咁解。

地理

高要市喺廣東中部，西江中下游。東便係佛山市三水區，隔條西江。南便係高明區同新興縣，西便係雲浮市同德慶縣，北便係廣寧縣同肇慶市。面積2206平方千米。

山

北有定山，東北有頂湖山，西北有騰豺山。

水

西江由德慶入高要西北叫端溪，向北屈向東，有都偃水、筍洞水向南流入。東便會合大湘水，屈向南，會合小湘水。之後新興江由西南注入，呢處叫新江口。再向東北，同宋崇水合流。過羊峽，左納長利水，右納蒼梧水，入三水。

史

大清時有縣丞駐金利墟。有橫槎、祿步二巡司。另有高要、新村二驛。

人口

2003年計，高要市人口73萬。

政區

高要市1街道16個鎮，即係南岸街道，金渡鎮、金利鎮、蜆崗鎮、白土鎮、回龍鎮、蛟塘鎮、蓮塘鎮、活道鎮、新橋鎮、白諸鎮、大灣鎮、祿步鎮、小湘鎮、河台鎮、樂城鎮同埋水南鎮。

出面網頁

• 〈官方網站〉。