高順

高順（2世紀—199年），東漢末年軍閥呂布嘅重要將領，以作戰勇敢無畏而出名，畀人認為係呂布部下入便最有能力嘅將領之一，雖然高順佢忠心，但係呂布唔聽佢建議同唔畀呂布重用，佢人清白有威嚴，唔飲酒，唔受饋禮，佢帶個兵每次都攻克城池，裴松之讚佢個部隊係「陷陣營」。

高順試過駐守喺呂布嘅主城下邳，重打敗過由曹操部將夏侯惇統領嘅軍隊。建安三年（198年）九月，曹操親自帶兵打下邳，十二月城破（嗰陣係199年），高順同陳宮畀侯成、宋憲同魏續綁著拉去曹操度，佢同呂布、陳宮一齊畀曹操落令吊死，佢條死屍畀人送咗去許昌埋葬。