魚口得稅銀

魚口得稅銀係《聖經》記載耶穌嘅神蹟之一，記載喺《馬太福音》17章24-27節。

聖經譯文

「	耶穌同門徒到咗迦百農，收聖殿稅嘅人嚟見彼得，話：「你哋嘅老師交咗聖殿稅未？」彼得話：「交咗。」彼得入咗屋，耶穌先對佢話：「西門，你嘅意見係點？世上嘅君王向邊個徵收關稅或丁稅？係向自己嘅仔？定係向外人呀？」彼得話：「係向外人。」耶穌對佢話：「既係噉，仔就可以免稅。但係我哋唔好得罪佢哋，你去海邊釣魚，將第一條釣上嚟嘅魚拎嚟，打開佢嘅口，會發現一個錢幣，可以拎去畀佢哋，作為你同我嘅稅錢。」	」
——《馬太福音》17章24-27節

概覽

耶穌同門徒到咗迦百農，有收丁稅嘅人嚟搵彼得。耶穌就向彼得解釋，佢係冇義務要繳交丁稅，因為佢係上帝嘅仔，上帝聖殿嘅一切費用都係唔使交。但係，耶穌為咗唔濫用佢嘅自由，亦都唔想激嬲嗰班唔認識佢係上帝嘅仔嘅人，所以要西門彼得將丁稅繳納畀佢哋。