魚玄機
魚玄機，字幼微，或蕙蘭，陝西長安人。係大唐女詩人，生卒年不詳，佢係道教兩大才女之一1。魚玄機個魚其實係一個隱姓，同「餘」同音，即係話佢生出嚟係多餘咁解，咁係因為佢出生喺一個貧窮家庭，由於屋企冇能力養佢，所以將佢送咗畀人，後來又輾轉送咗去妓院。
不過佢因為生得靚，又聰明，五歲就開始讀書，七歲識寫作，十一、二歲開始出名。不過因為婚姻上唔係咁如意，就寫咗首詩：「易求無價寶，難得有情郎」。後來又俾人送咗入道觀做道士，不過喺嗰個年代啲人好鍾意喺道觀偷情，魚玄機喺呢種環境之下，變成放蕩，以當時道德觀就覺得佢墮落。後來因為殺咗佢一個僕人綠翹而判死刑，終年二十六歲。
魚玄機著有《魚玄機集》傳世。