鳥羽伏見之戰
鳥羽伏見之戰（日文：鳥羽・伏見の戦い），係日本戊辰戰爭最開頭嘅一場戰爭，響1868年1月27號至30號期間發生。呢場仗響約莫京都南嘅上鳥羽（即京都市南區）、下鳥羽、竹田、伏見（即京都市伏見區）同埋橋本（即京都府八幡市）搞。
經過
編輯
因為幕府漸漸冇威信，將軍德川慶喜又多次響政治上面失敗，導致大政奉還，有唔少藩士希望恢復幕府，所以就開始同明治新政府對抗。
1868年1月3號，幕府軍曾經響上鳥羽同新政府軍打。冇耐，另一支幕府軍就響伏見同另一支新政府軍打仗。響上鳥羽嘅幕府軍原先係打敗咗新政府軍，但係響伏見嘅就死傷慘重，所以鳥羽嘅唯有走去江戶。
另一方面，幕府軍嘅援軍向近江地區伊勢進攻，並打入大津，但新政府軍都唔差，趕咗幕府軍去石部宿。一日後，幕府軍成功打入佐土原藩、岡山藩、德島藩，而新政府軍就因為驚佢哋入侵埋大津而走咗佬。呢場仗係幕府軍響鳥羽伏見之戰入面，唯一一場算得上係勝利嘅仗。
同一日，仁和寺宮嘉彰親王（即小松宮彰仁親王）響明治天皇命令下成為官軍指揮官。一日後，官軍響伏見同幕府軍打仗，最後幕府軍因為受唔住而退到淀城，仲閂埋城門，令到官軍唯有撤退。
一日後，幕府軍響橋本再次同新政府軍死過。因為幕府前幾場差唔多都輸咗，冇嗮士氣，所以好快就畀新政府軍打到死得七七八八，最後要走到大坂。
1月19號，響西鄉隆盛策劃下，二百幾個庄內藩兵響江戶城對薩摩藩藩邸放火，之後江戶城就用火攻佢哋。一個禮拜後，德川慶喜響京都進攻，最終響1月27號響鳥羽同埋伏見撞到新政府軍，三日後幕府軍正式投降，明治新政府勝。