鳳閣恩仇未了情
《鳳閣恩仇未了情》係一齣粵劇，徐子郎編劇，1962年由香港大龍鳳劇團首演，[1]麥炳榮、鳳凰女、譚蘭卿等主演。
故仔
編輯宋朝初立，國勢尚弱。小郡主紅鸞被送入金邦。紅鸞同金邦名將耶律君雄青梅竹馬，暗訂終身。後宋國轉強，紅鸞個大佬狄親王以珠寶贖返紅鸞，金邦命君雄送紅鸞至黃河渡口，遇劫，船沉導致二人失散。倪思安迫女秀鈿嫁與指腹為婚嘅尚存孝。秀鈿反對盲婚而投河自盡，俾君雄救起，遇盜沉船，宋兵誤會秀鈿係紅鸞，帶返宮帷。思安雖救出紅鸞，但失咗憶，思安認紅鸞做親生女，帶去尚府投親。尚夫人嫌貧愛富，推卻婚約。其子存孝仁慈，收留咗紅鸞。君雄流落中原，考中武狀元。君雄喺尚精忠屋企，同紅鸞花園相見，但紅鸞認佢唔出。精忠誤以為君雄調戲紅鸞，逐之。金邦送來番書，狄親王命存孝翻譯。存孝唔識番文，請思安代勞。思安貪財亂咁譯解，笑話百出。[2]
