鷄公碗

鷄公碗，又寫雞公碗，係種闊口碗，碗外畫咗紅身黑尾鷄公爲記認。此外亦用毛筆畫水墨畫白菜、菊花、蝠鼠咁。舊時鷄公碗好cheap，所以街邊檔成行用晒佢，裝飯裝麪，亦有街邊拜神裝祭品。佢碗身有沙粒，質地都好粗糙，有人用碗底當磨刀石。

鷄公碗

呢隻鷄公，尾大腳長，似卡通公仔，形象鮮明，所以幾搶眼，成為而家香港集體回憶之一。就因為咁，家下出品走高檔，用料冇晒粗砂粒，光滑好多。