鹹水歌

鹹水歌（又叫白話魚歌，中山叫鹹水嘆、嘆哥兄、嘆姑妹），係水上人嘅一種歌，喺中國珠三角一帶流行。一般男女對唱，情歌為多，代表作有《對花》、《海底珍珠容易》。

鹹水歌一般由上下兩句組成單樂段，或者由四個樂句組成復合樂段。有獨唱、對唱等形式，而以後者為主。對唱以男女互答，問答雙方嘅曲式結構係一樣。男唱前兩句，女唱後兩句。男嘅結束句一般係「姑妹嘿」，女嘅結束句就係「兄哥」。

名

個名出自早期珠三角啲漁民長期出海，同鹹水成日打交道有關。