鹿島鹿角

鹿島鹿角
鹿島アントラーズ
外文全名	鹿島アントラーズ
創會	1947年
主場	茨城縣立鹿嶋足球場 ; （容納人數：40,728 ）
主席	井畑滋
打緊聯賽	J1聯賽
網	球會網站
主場波衫	作客波衫

鹿島鹿角（粵拼：luk6 dou2 luk6 gok3；日文：鹿島（かしま）アントラーズ^{(Kashima Antorāzu)}；英文：Kashima Antlers）係日本足協屬下嘅一間足球會，1947年成立，位置喺日本關東地方茨城嘅鹿嶋、神栖、潮來、行方、及鉾田^[2]，但主場喺茨城縣立鹿嶋足球場^[2]。曾經喺2000年試過一年內攞齊日本足協屬下嘅3個國內獎杯^{[註 1]}，2016年試過以東道主身份第一次殺入世俱盃，重成為亞洲第一隻球會殺入世俱盃決賽。

名

足球會個名喺1991年改。喺1991年之前，球會以住友金屬工業蹴球團（日文：住友金属工業蹴球団みともきんぞくこうぎょうしゅうきゅうだん^{(Motomo-kinzo-kukōgyō-shūkyūdan)}）個名去踢日本足球聯賽^{[註 2]}，1993年因為球會換咗法人代表而改成鹿島鹿角個名。其中日文「アントラー」出自英文「Antler」一詞嘅諧音，喺英文解做「鹿角」^[2]，由於球會喺鹿兒島，所以「鹿角」嘅「鹿」代表係日本文物——鹿島神宮（日文：鹿島神宮）嘅神鹿；「角」代表係球會所在地——茨城縣個「茨」字有好多條刺嘅印象^{[註 3]}

史

球會喺1947年成立，初期嗌過金屬蹴球同好會（日文：金属蹴球同好会きんぞくしゅうきゅうどうこうかい^{(Kinzo-shūkyū-dōkōkai)}）個名，1956年改名做住友金屬工業蹴球團嚟開始參加日本足球聯賽。期間喺1973、1985年先後升級到乙級及甲級聯賽^{[註 4]}。1975年因為大阪嘅鹿島製鐵所（日文：新日鐵住金鹿島製鐵所）接手而搬咗去鹿嶋市。

1993年，由於日本足球聯賽搞職業化，球會做頭一屆J聯賽波隊爾攞咗第一循環聯賽冠軍，但冠軍附加賽輸咗畀川崎讀賣（今日嘅東京綠茵）而攞咗亞軍。3年後終於攞咗球會史上第一個職業聯賽總冠軍。後嚟幾年因為同磐田喜悦猛咁鬥冠軍好多次，而俾日本足壇成日話呢兩個隊係強大對手。2000年以一掃落葉姿態，攞咗足協屬下嘅三個獎杯冠軍而成為日本足壇史上第一隊三冠王。2003年A3冠軍盃（已停辦）以1分嘅微弱優勢力壓大連實德（2013年解散）而攞咗冠軍。

2016年底以聯賽冠軍身份殺入咗世俱盃，成為球會第一次以東道主身份殺入世界頂級聯賽。喺2016年世俱盃先後淘汰咗奧克蘭城、馬美洛迪夕陽（英文：Mamelodi Sundowns F.C.）同埋國民體育會而殺入決賽，但決賽差啲連皇家馬德里都搞掂埋，最後攞咗亞軍。

註同攷

註

↑ 日本足協屬下嘅3個國內獎杯分別係聯賽、聯賽盃同埋天皇盃。
↑ 即係而家嘅日本職業足球聯賽。「日本足球聯賽」個名係1956～1992年間用過，1993年職業化之後改名做日本職業足球聯賽。
↑ 因為喺日文，「茨」同「棘」係同音字（兩個都讀「いばら」，讀音：[ibara]）。喺當地文化可以形容植物啲刺。
↑ 曾經試過1989年降級，但兩年後又殺返入頂級聯賽。

攷

↑ Kashima Soccer Stadium
↑ ^2.0 ^2.1 ^2.2 〈クラブガイド:鹿島アントラーズ〉。《日本プロサッカーリーグ》。原著喺2014-07-22歸檔。喺2014-07-23搵到。

出面網頁

[3] 日本足協屬下嘅3個國內獎杯分別係聯賽、聯賽盃同埋天皇盃。

[4] 即係而家嘅日本職業足球聯賽。「日本足球聯賽」個名係1956～1992年間用過，1993年職業化之後改名做日本職業足球聯賽。

[5] 因為喺日文，「茨」同「棘」係同音字（兩個都讀「いばら」，讀音：[ibara]）。喺當地文化可以形容植物啲刺。

[6] 曾經試過1989年降級，但兩年後又殺返入頂級聯賽。

[1] Kashima Soccer Stadium

[jleague-2] 2.0 ^2.1 ^2.2 〈クラブガイド:鹿島アントラーズ〉。《日本プロサッカーリーグ》。原著喺2014-07-22歸檔。喺2014-07-23搵到。

[2]

[註 1]

[1]

[註 2]

[註 3]

[註 4]