麥田捕手》(The Catcher in the Rye)係美國作家傑羅姆·大衛·沙林傑1951年發表嘅小說。

呢本書喺1951年出版之後,即刻引起轟動,受到讀者——特別係青年人嘅熱烈歡迎。讚賞嘅人認為本書用青少年嘅口吻平鋪直敘,增加咗作品嘅感染力,傳神咁描寫主角嘅內心思維,又講出青少年不滿成年世界充滿虛偽欺瞞嘅心聲。批評者就認為書中主角離經叛道、逃學、吸煙、喝酒,又成日講粗口,會對後生讀者帶嚟不良影響,當時好多圖書館及學校將本書列為禁書。但係,而家呢本書係好多美國學校嘅指定讀物。有啲評論家話,本書「大大影響咗好幾代美國青年」。有學者認為霍爾頓係當代美國文學中最早出現嘅反英雄形象之一。

呢本書以主人公霍爾頓·考爾菲德(Holden Caulfield)第一人稱嘅口吻,講述自己被學校開除後,喺紐約城遊盪將近兩日夜,企圖逃出虛偽嘅成人世界,尋求純潔與真理嘅經歷同感受。