麵酵嘅比喻係耶穌講嘅一個比喻,記載喺《新約聖經》《馬太福音》第13章第33節、同埋《路加福音》第13章第20至21節。

聖經譯文 編輯

耶穌又對佢哋講另一個比喻:「天國好比麵酵,有個女人拎嚟放入三斗麵粉裏面,令到成個麵團都發起嚟。」

——《馬太福音》13章33節

耶穌又話:「我拎乜嘢嚟比較上帝嘅國呢?佢好比麵酵,有個女人拎嚟放落三斗麵粉裏面,直到成團都發起嚟。」

——《路加福音》13章20-21節

解釋 編輯

正面 編輯

麵酵好似芥菜種子噉樣,放一啲酵入去麵團裏面,成個麵團都會好快噉發起嚟,變成一大團。麵酵嘅比喻乃係講明上帝嘅國點樣擴大發展,正如耶穌傳道初期規模好細,不過佢嘅國度好似酵加入麵團度,迅速噉擴展[1]

反面 編輯

麵團係預表教會嘅食物,就係上帝嘅道,係人生命嘅靈糧,麵餅係為獻祭用嘅,係祭司可以食嘅,麵酵喺舊約聖經裏面,乃係指罪惡,例如除酵節,獻血祭,素祭等,都唔可以有酵,表示除罪潔淨,酵能夠污穢聖所嘅嘢;喺新約聖經裏面,乃係指做敗壞唔好嘅嘢,例如假冒為善,一切異端,疑心詭詐,自高自大,所有罪惡,酵嘅本性係唔好嘅。麵酵嘅比喻乃係講明教會當中有錯誤嘅教訓,罪惡影響信徒,令到人偏離真理[2]

參考 編輯

  1. (PDF). 原著 (PDF)喺2020年3月15號歸檔. 喺2018年3月19號搵到.
  2. 天國好像麵酵