黃俊英 (廣州)

黃俊英（粵拼：wong4 zeon3 jing1；1936年 10月6號—）係中國大陸嘅粵語相聲藝術家，廣東羅定人，做過中華人民共和國國家一級演員、廣東省曲協副主席、廣東音樂曲藝團藝術指導，佢亦係相聲粵化嘅拓荒者之一。曾經攞過廣東省第五屆魯迅文藝獎同廣東最受歡迎笑星。

生平

黃俊英從1952年開始從事表演，重跟粵劇表演藝術家——羅品超學咗6年粵劇表演藝術；1958年去過北京參加過中國第一屆全國曲藝匯演，重接觸咗華北嘅相聲藝術而將佢南粵化。1983年5月同楊達、林運洪、崔凌霄一齊成立咗廣州相聲藝術團。