黃祝蕖

黃祝蕖（粵拼：wong4 zuk1 keoi4；1877年—1945年），原名榮康（wing4 hong1），號凹園（nap1 jyun4）、蕨庵（kyut3 am1），廣東三水蘆苞人，著名塾師、詩人，同黃佛頤、黃任恆並稱「廣東三黃」。著作有《凹園詩鈔》、《擊劍詩鈔》、《求慊hip3齋文集》等。

大清光緒三十年（1904年），黃祝蕖喺縣試初试排到好前，畀當地讀書人妒忌排斥，就激到唔去複試。之後專心研究詩文經史，決定從事教育。1920年，黃祝蕖來到廣州，喺河南冼涌開辦祝蕖國文專修學校（南陽學塾），1927年搬去西關冼基。佢做咗幾十年塾師，佢門下弟子都好有名。文化藝術名家黃少強、趙少昂、周千秋、吳天任、李撫紅、陳維略、陳海天、陳居霖、陳旋珍都係佢門下弟子。